Curta documental: Pedras e Riceiros

Esta peza audiovisual aborda, a través de entrevistas, o xeito de traballar do sector pesqueiro e tamén as súas principais preocupacións no tocante ás normativas que rexen o sector ou os seus dereitos laborais.

Participan no documental profesionais do Servizo de Gardacostas ou a xefa territorial da Consellería do Mar, así como mariscadoras e pescadores de percebe e polbo.

Tamén achegan a súa visión empresarias dunha conserveira ou pescadeiros, co que a curtametraxe abrangue todo o proceso de comercialización dos produtos pesqueiros, desde a captura ata a venta.

A intención do documental é reunir diferentes voces para reivindicar a calidade dos produtos pesqueiros, explicar o motivo dos prezos que alcanzan no mercado e concienciar sobre a importancia dunha pesca sostible como ferramenta para coidar o medio ambiente e asegurar o futuro do sector.

Este video está englobado dentro do proxecto Construir o Futuro de Xove Mirando ao Mar é un proxecto impulsado desde o Departamento de Emprego e Desenvolvemento Local do Concello de Xove e promovido por 3 entidades: unha do Sector Público, o propio Concello de Xove, unha do Sector Social, Asociación a Medorra, e unha do Sector Económico, a ACIAM.

Unidades Didácticas

Co obxectivo de levar a cabo un reconto do número de persoas que empregan as unidades didácticas é necesario un contrasinal para descargar este material.

Solicitao a través do formulario de contacto 

Exposicións

Podes solicitar as exposicións sobre ‘O Percebe e o seu ecosistema’ e ‘O Polbo e o seu ecosistema’ para o voso centro educativo.

Consulta os detalles